Forsætisráðharrin nevndi ikki Føroyar

Heldur ikki Mette Frederiksen, forsætisráðharri, nevndi Føroyar í nýggjársrøðu sínari í gjár.

Aksel V. Johannesen, løgmaður, nevndi ikki viðurskiftini millum Føroyar og Danmark við einum orði í sínari nýggjársrøðu nýggjársaftan.

Og í gjár helt Mette Frederiksen sína røðu.

Hon nevndi ikki viðurskiftini millum Føroyar og Danmark. Hon nevndi ikki ríkisfelagsskapin yvirhøvur.

Avgerð skal takast í Føroyum

Í samgonguskjalinum stendur, at allar avgerðir um trygd og verju Føroya skulu takast av føroyskum myndugleikum.

Hetta verður tryggjað í samstarvi og avtalum við Danmark og onnur lond. 

Hetta er einasta ferðin, Danmark er nevnt í samgonguskjalinum. Ríkisfelagsskapurin er ikki nevndur. 

22 ferðir

Í samgonguskjalinum hjá nýggju donsku stjórnini er orðið Færøerne 22 ferðir.

Og har er ein heilur partur, tvær síður, um ríkisfelagsskapin. 

Grønlendski landsstýrisformaðurin, Múte Bourup Egede, nevndi hvørki Føroyar ella ríkisfelagsskapin í sínari nýggjársrøðu.