KPH: Knút og Ring Them Bells konsert á Loppen

Hóskvøldið kl. 21 verður spælistaðið Loppen á Christiania karmur um eina konsert við føroyskum og donskum tónleiki og ølsmakking. Knút og Ring Them Bells spæla, og eisini verður møguligt at royna eina øl, sum Ring Them Bells hava bryggjað í samstarvi við mikrobryggjaríið Mikkeller. 

Knút Háberg Eysturstein gav í juli út triðju útgávu sína, On High, sum varð givin út bæði á vinyl, sum fløga og digitalt. Talan er um gittar- og klaverbaseraðan tónleik við íblástri frá nógvum ymiskum sjangrum. Við sær hóskvøldið hevur Knút Jan Rúna Poulsen á trummum, Mattias Kapnas á klaver og Bartal Læarsson á bass. 

Ring Them Bells, ið eisini fara á pall, spæla tungan noise rock og hava seinastu árini spælt nógvar konsertir í Danmark, Svøríki og Norra. Føroyski Jan Johansen, ið m.a. spældi við í Glorybox, er gittarleikari í bólkinum. Í samband við at fyrsta LPin hjá bólkinum er komin út, hava teir saman við mikrobryggjarínum Mikkeller bryggjað eina sterka myrka portara-øl, sum er skapt út frá tónleikinum á LPini.