Puigdemont verður ikki ákærdur fyri landssvik

Carles Puigdemont verður ikki ákærdur fyri landssvik.

Tað hevur hægstirættur í Spania gjørt av.

Lógin, sum heimilaði ákæruni, er nú broytt.

Puigdemont er kortini ikki sloppin heilt. Ákærur um millum annað at misbrúka almennar pengar eru á veg. 

Í sjálvbodnari útlegd

Carles Puigdemont, sum var leiðari hjá katalonsku sjálvstýrisrørsluni, er í sjálvbodnari útlegd í Belgia.

Hann var valdur í Europatingið fyri Spania fyri fýra árum síðani.

Carles Puigdemont boðaði í 2017 frá atkvøðugreiðslu um Katalonia skuldi loysa frá Spania.

Hetta dámdi stjórnini í Madrid illa, og hon fekk steðgað atkvøðugreiðsluni við hermegi.

Hevur verið í Føroyum

Puigdemont var í Føroyum í 2018.

Ein annar oddamaður hjá katalonsku sjálvstýrisrørsluni, Oriol Junqueras, fekk 13 ára fongsulsrevsing.

Men forsætisráðharrin í Spania, Pedro Sanchez, náðaði hann í 2021.