- Tíðindi, mentan og ítróttur
11,2 mia. kr. goldnar í lønum í 2022
11,2 mia. kr. goldnar í lønum í 2022
Lønarútgjaldingarnar hækkaðu við sløkum fimm prosentum í fjør í mun til fyrraárið, so tað samanlagt vóru goldnar 11,2 mia. kr. í lønum
Lønarútgjaldingar vuksu við fimm prosentum í fjør ímun til fyrraárið
Mynd: Bjarni Árting Rubeksen
16.01.2023 - 10:42
11,2 milliardir krónur vóru goldnar í lønum í Føroyum í 2022.
Tað eru sløk fimm prosent meira enn í 2021.
Størsti vøksturin er í fiskivinnu og í øðrum tilfeingisvinnum. Har vóru goldnar 230 milliónir krónur meira í løn.
Desember í fjør var metgóður
Í 2021 var vøksturin samanumtikið 3,7 prosent samanborið við 2020, skrivar Hagstovan.
Serliga desember í fjør var góður.
Tá var góð milliard goldin í lønum. Tað er met fyri ein einstakan mánað.
Mynd: Bjarni Árting Rubeksen
60 prosent fóru til menn
Menn eiga góð 60 prosent av lønunum í fjør. Býtið millum kynini var tað sama sum í 2021.
Parturin hjá privatu tænastuvinnunum fór úr 31,4 prosentum í 2021 niður í 31,1 prosent í 2022.
Serliga minkaði parturin hjá byggivinnu og aðrari tilvirking.
Hann fór úr 15,6 prosentum niður í 15,0 prosent.
Er kopiera
Nýggjastu sendingar í ÚV
Nýggjastu sendingar í SV
