Fasti gerðarrættur frídømdi Reiðarafelagið

Reiðarafelagið er frídømt í Fasta gerðarrætti.

Fiskimannafelagið og Maskinmeistarafelagið vildu hava Reiðarafelagið at viðurkenna, at reiðaríið hjá Gøtunesi ikki hevði rætt til at taka søluútreiðslur, 25 oyru fyri kilo, av avrokningini fyri tveir túrar hjá Gøtunesi í desember í 2020.

Gøtunes fiskaði av svartkjaftakvotu hjá partafelagnum Hvalnesi. Partafelagið Desin eigur Gøtunes.

Ikki søla

Talan var ikki um, at Hvalnes seldi kvotuna, sigur Fasti gerðarættur.

Fasti gerðarrættur heldur tí, at eingin áseting í sáttmálanum millum manningarnar og reiðararnar er um, at avtalaða gjaldið millum Desina og Driftina, sum leigaði Gøtunes, ikki kann fara av óbýttum, tá Gøtunes í desember 2020 fiskaði av kvotu hjá Hvalnesi. 

Fasti garðarrættur hevur avgjørt, at hvør partur ber sín málskostnað.