Eiga at steðga grindadrápi í Sandagerði fyribils

Umhvørvismyndugleikarnir eiga at steðga grindadrápi í Sandagerði, meðan verandi støða við dálking í økinum stendur á.

Tað sigur Elin Lindenskov, havsvimjari, sum plagar at svimja í Sandagerði.

Tað hevur leingi verið greitt, at Sandagerð er dálkað orsakað av frárensli frá Landssjúkrahúsinum, men at tað er so illa dálkað, sum tað kom fram í Degi og Viku fríggjakvøldið, kemur óvart á Elin Lindenskov, sum er fyrrverandi býráðslimur og arbeiddi millum annað nógv við umhvørvismálum.