Landsverk fer í landsrættin við oljudálkingini

Landsverk ætlar at royna málið um oljudálkingina í Froðba í landsrættinum.

Føroya rættur dømdi í síðsta mánaði Landsverk at rinda 20.000 kr. í sekt fyri brot á umhvørvisverndarlógina, tá 1800 litrar av flúgvarabensini fóru út í lendið við tyrlupallin í Froðba náttina millum 22. og 23. januar 2018.

Tað var Effo, sum bunkraði til Landsverk, sum umsitur tyrlupallarnar.

Bæði sek

Sambært ákæruvaldinum vóru bæði Effo og Landsevek sek í, at flúgvarabensinið fór út í lendið, men Føroya rættur dømdi Landsverk og fríkendi Effo í málinum.

Bæði Landsverk og Effo noktaðu seg sek.

Árni Vilhelm, sum eigur lendið við tyrlupallin, sum bleiv dálkað í 2018, krevur endurgjald.

Sí innslag í Degi og Viku 12. januar:

Sí innslag í Degi og Viku her