Eingin drigin til svars fyri oljudálking

Hvørki Effo ella Landsverk vilja taka ábyrgdina av, at 1800 litrar av flúgvarabensini fóru í hagan og í eina á við tyrlupallin í Froðba, og nú skal Føroya rættur taka støðu til, hvør er sekur í hesi oljudálking ella um nakar er sekur yvirhøvur.

Sambært ákæruvaldinum eru Effo og Landsverk sek í, at 1800 litrar av flúgvarabensini fóru út í lendið við tyrlupallin í Froðba náttina millum 22. og 23 januar 2018, tá Effo bunkraði til Landsverk, sum umsitur tyrlupallarnar. 

Ákæruvaldið krevur at sekt skal rindast fyri brot á umhvørvisverndarlógin.

Landsverk og Effo nokta seg sek og krevja frídøming í málinum.

Landsverk og Effo hava ongar viðmerkingar til málið fyrr enn dómur er sagdur.

Dómur fellur í Føroya rætti um eina viku.