Útlendingar rinda tríggjar ferðir meira

Landsstýrismaðurin í fiskivinnu- og samferðslumálum, ætlar, at útlendingar skulu rinda tríggjar ferðir ferðaseðlaprísin, sum føroyingar rinda.

Strandfaraskip Landsins arbeiðir í løtuni við at gera eitt tilmæli til politisku skipanina at gera mun á útoyggjafólki, øðrum føroyingum og útlendingum, tá ið talan er um ferðaseðlaprísir. 
 
Landsstýrismaðurin heldur, at útlendingar kunnu rinda væl meira enn teir gera í dag.

Apartheid líknandi

Men tað eru ikki allir politikarar, ið dáma hendan háttin at gera mun á fólki.

Næstformaðurin í Sambandsflokkinum, Helgi Abrahamsen, heldur, at hesin háttirin minnir ov nógv um eina apartheid skipanina.

Hann vil heldur hava aðra skipan.