Rani gleðir seg til Liverpool

Við sanginum “Breaking My Heart” eydnaðist 25 ára gamla havnarmanninum, Rana Petersen, Reiley, at vinna donsku Melodi Grand Prix-kappingina.

Tí skal hann umboða Danmark í europeisku sangkappingini, sum verður í mai mánaði í Liverpool í Onglandi, og tað gleðir hann seg til, tí hann heldur sang sín hava góðar møguleikar.

Rani Petersen fekk 43 prosent av atkvøðunum, 15 prosent frá hyggjarunum og 28 prosent frá fakligu dómarunum.

Reglurnar eru broyttar, so tað í ár ikki bara eru londini, sum eru við, ið kunnu atkvøða, men allur heimurin.

Tí vóna danskarar, at Reiley við sínum 10,8 milliónum fylgjarum á TikTok kann gera ein vørr í European Song Contest.