Óvist um Sjálvstýrisflokkurin heldur fram í samgonguni

Enn er óvist, um Sjálvstýrisflokkurin heldur fram í samgonguni, nú Kári P. Højgaard er koyrdur frá sum landsstýrismaður.

Nú Kári P. Højgaard ikki longur er landsstýrismaður, verður hann aftur tingmaður, og sostatt missir Jógvan Skorheim, borgarstjóri í Klaksvík, tingsessin. Karl A. Olsen, fyrrverandi borgarstjóri í Vestmanna, hevur verið formaður í landsnevnd Sjálvstýrisfloksins. Men hann fór frá sum formaður í síðstu viku.

Kristianna Winther Poulsen, næstforkvinna, er tí virkandi forkvinna í landsnevndini. Hon hevur onga viðmerking til politisku støðuna í dag.
 

Kári P. Højgaard sigur, at hann hevur lítlan hug at fara í andstøðu