Áslakur í vikuliðnum

Áslakur Holm er valdur á vikuliðið hjá bestu donsku flogbóltsdeildini fyri aðru ferð hetta kappingarárið.

Føroyski hevarin og lið hansara, VK Vestsjælland, taptu 3-1 fyri danska meistaranum, Middelfart, í síðsta dystinum í grundspælinum, men Áslakur Holm spældi kortini somikið væl, at hann kom á vikuliðið.

VK Vestsjælland endaði á 6. plássi, og í endaspælinum skulu teir spæla fjórðingsfinalu ímóti Ikast, sum endaði nummar trý. Dystirnir verða spældir 12. og 16. mars, og um neyðugt verður avgerðandi dystur 18. mars.