- Tíðindi, mentan og ítróttur
Landið veðheldur: Kann vænta rokning frá LÍV í 2046
Landið veðheldur: Kann vænta rokning frá LÍV í 2046
LÍV 3 er pensjónsfelag hjá teimum, sum eru fevnd av landskassaveðhaldi, og tí eru tey altíð tryggjað 4,5 prosent í avkasti
Tryggingarfelagið LÍV. Landskassin veðheldur fyri virkseminum í felagnum LÍV 3.
Mynd: Bjarni Árting Rubeksen
10.03.2023 - 13:15
Landið kann í ár 2046 vænta sær rokning uppá 250 mió. kr. fyri landskassaveðhaldið í pensjónsfelagnum LÍV 3.
LÍV 3 er felagið, har tey, sum hava pensjónir í LÍV við veðhaldi frá landinum, eru í. Tí eru tey altíð tryggjað 4,5 prosent í avkasti.
Veðhaldið verður effektivt, tá ið kassin hjá LÍV 3 er tómur.
Eginognin hjá felagnum - ella veðhaldið - hevur seinastu árini ligið um eina milliard krónur.
Jan Jakobsen er stjóri í LÍV.
Sambært landsroknskapinum, eru ognirnar hjá felagnum - tað vil siga veðhaldið hjá landinum - uppi í 2037 - tað er um 14 ár.
Men metingin hjá LÍV er, at veðhaldið verður effektivt um 23 ár við eini upphædd upp á 250 mió. kr, sigur Jan Jakobsen, stjóri.
Hoyr innslag í útvarpstíðindunum:
10032023_Jan_Jakobsen
Jan Jakobsen var í Breddanum fyrrapartin. Allur Breddin kann hoyrast her.
Er kopiera
Nýggjastu sendingar í ÚV
Nýggjastu sendingar í SV
