Føroyskir pápar ikki hoyrdir

Firouz Gaini, professari á Setrinum, hevur skrivað vísundaligu greinina “You just throw yourself into it” um evnið.

Í hesum sambandi hevur hann gjørt sínar kanningar og hevur millum annað tosað við pápar í Føroyum um pápaleiklutin.

Ein niðurstøða er, at føroyski pápin í dag umboðar eina roynd at varðveita tað siðbundna, samstundis sum hann er ein nútímans pápi. 

Menn ikki hoyrdir
Føroyar hava eina serliga mentan, serligan arbeiðsmarknað og serliga søgu, og ofta verður tosað um føroyskar menn á ein eintáttaðan hátt og ikki í leiklutinum sum pápar. 

- Føroyski pápin roynir at verða nútímans. Pápar tosa ikki beinleiðis um at vera modernaðir pápar, men tað eru teir í mun til tað, sum verður skrivað og sagt, sigur Firouz Gaini.

- Serføroyska mentanin ger, at páparnir eisini vilja varðveita tað siðbundna. Men av tí at sjónarmiðini hjá monnum koma ikki fram í javnstøðukjakinum, er henda kanningin gjørd, sigur hann.