Fleiri orsøkir til gott ár

Stjórin staðfestir, at við sløkum 23 milliónum krónum í avlopi eftir skatt og einum umsetningi, ið táttar í hálva milliard, royndist 2022 sum eitt gott ár.

– Tað kunnu vera fleiri orsøkir til tað, sigur Mouritz Mohr, stjóri í MEST, ið millum annað fegnast um ein vaksandi kundaskara og nøkulunda javnt virksemi yvir alt árið, tí tað kann ofta svinga.

– Sølan er vaksin, men ikki starvsfólkatalið, so tí liggur eisini meira eftir fyri hvørt starvsfólk. Vit hava eisini havt fleiri útlendskar kundar, ið muna væl, og teir hava verið bæði úr millum annað Íslandi, Grønlandi og Russlandi.

Umframt skipasmiðjurnar í Havn og á Skála fevnir MEST-samtakið um framleiðsluútgerð í Runavík, arbeiðið við vindmyllum á landi í Føroyum og PAM-Offshore Service, sum veitir tænastu til frálandavinnuna í Noregi.  

Í samtakinum starvast 483 starvsfólk, har av 76 lærlingar.