Størri ferðsla í Eysturoyartunlinum fyrsta ársfjórðing

Ferðslan í Eysturoyartunlinum er vaksin við 774 bilum um samdøgrið fyrsta ársfjórðing í ár samanborið við fyrsta ársfjórðing í fjør.

Miðalferðslan higartil í ár hevur verið 5.227 bilar um samdøgrið.

Hon var 4.453 sama tíðarskeið í fjør. 

Vøkstur hevur verið allar tríggjar teir fyrstu mánaðirnar í ár, og í mars koyrdu 5.366 akfør í miðal um samdøgrið gjøgnum tunnilin. 

Eysturoyartunnilin, ferðsla

Heldur vøksturin sær í ár, fer miðalferðslan at vaksa við stívliga 200 bilum um samdøgrið. (Mynd: Bjarni Árting Rubeksen)

Bara tvær ferðir áður hevur ferðslan verið størrii, enn hon var í mars; tað var í september og november í fjør. 

Miðalferðslan í Eysturoyartunlinum í fjør var stívliga 5.000 bilar um samdøgrið. Heldur vøksturin sær í ár, fer miðalferðslan at vaksa við stívliga 200 bilum um samdøgrið. 

Enn vantar tó nógv í, áðrenn ferðslan gjøgnum Eystur- og Sandoyartunlarnar er so mikið fræg, at tunlarnir bera seg fíggjarliga.

Sagt hevur verið, at ferðslan í Eystur- og Sandoyartunlunum skal upp á 7.200 akfør um samdøgrið, áðrenn tunlarnir fara at hanga saman fíggjarliga.