Orsøkina sigur Hannes Gislason, professari og útbúgvingarleiðari fyri MSc í Dátuvísindum á Setrinum, vera millum annað, at tað er ov lætt at misnýta tøknina til lógarbrot og misvísandi kunning.

- Tað verður lættari at lata, sum um tú ert onkur annar, fyri soleiðis at lokka pengar burtur úr fólki, men vit skulu eisini minnast til, at har eru fyrimunir við tøknini, sum AI er betur til enn fólk. Til dømis at viðgera stóra datamongdir, og loysa kompleksar uppgávur, leggur hann afturat.

- Meira og meira fara vit at brúka hesa tøkni, sum vit longu brúka tá vit siga góðan morgun við Alexu ella Siri, sigur Torben Nielsen, KT serfrøðingur, tí bæði hann og Hannes eru á einum máli um, at ikki ber til at steðga tøknini, men at orsøkin til ávaringina helst er, at serfrøðingar ynskja eitt regluverk at fylgja við tøknini.