Real scars ella veruliga arr.

Við hesum orðunum varpar altjóða fótbóltssamgongan, FIFA, og føroyska fótbóltssambandið ljós á ágang á netinum. Tí eins og nógva aðra staðni, ja so rakar talgildur ágangur eisini fólk í fótbóltsheiminum.

- Tá eg var yngri, lat eg meg í stóran mun ávirka av øllum tí, sum fólk skrivaðu um meg á netinum. Í dag gangi eg ikki líka høgt upp í, hvat onnur halda um meg.

Orðini eigur Jákup á Borg, sum hevur nógv á á baki sum fótbóltsspælari, og sum í dag er venjari hjá besta mansliðnum hjá B68. Ein, sum kennir seg aftur í hesum, er Hanus Sørensen, ið spælir við HB og er við á A-landsliðnum hjá monnum.

- Mann hevur ofta lyndi til at skunda sær á netið at hyggja eftir, hvat fólk siga og skriva um ein. Kanska serliga tá tað hevur gingist væl, sigur Hanus Sørensen, sum sigur seg ikki lata seg ávirka av, hvat verður sagt ella skrivað um seg á netinum.

Í morgunsendingini greiða Jákup á Borg og Hanus Sørenen frá sínum upplivingum viðvíkjandi ágangi á netinum. Eisini fortelur Andrass Thomsen um átakið "real scars".