- Eg og Ingibjørg gjørdu eina spennandi uppgávu fyri Klaksvíkar Kommunu, og eg treivs so væl við hesi uppgávuni og tað samstarvinum eg hevði við kommununa, at tá ið eg sá hetta starvið var leyst at søkja, hugsaði eg, at hatta tími eg ordliga væl, sigur Theresa.

Hon heldur at fólkini í Klaksvík hava ein jaliga tóna og vilja norðoyggjum tað besta.

Tey lokalu mugu við

Umframt at skipa ferðavinnuna í Klaksvík, so verður eitt tað fyrsta hon fer í gongd við, at fara út til øll smáplássini og tosa við tey lokalu, um hvussu ferðavinnan skal skipast har norðuri.

- Man kann bara menna ferðavinnuna, um tey í nærumhvørvinum stuðla undir henni. Man noyðist at menna ferðavinnuna saman við teimum lokalu, sigur Theresa.

Eitt sum hon ætlar at hyggja upp á, er hvussu ferðavinnan í Kalsoynni kann skipast, tí har er ein avbjóðing við øllum ferðafólkunum, sum vilja sleppa út í oynna.

Summarið sær gott út

- Her koma ferðafólk á gátt hvønn dag, og vit hava fingið nógvar bóking til summar, so tað sær gott út fyri ferðavinnuna her norðuri.

Lurta eftir samrøðuni við Theresu Thuridardóttir Kreutzmann.

Theresa Thuridardóttir Kreutzmann - Visit Nordoy

Almenn móttøka var fríggjadagin, tá ið Theresa Thuridardóttir Kreutzmann hevði tikið við starvinum, sum stjóri fyri Visit Nordoy (Mynd: Dávur Winther)