Sjóvinnustýrið vil hava arbeiðsumhvørvisráð

Neyðugt er við fleiri átøkum fyri at bøta um arbeiðsumstøðurnar umborð á pørtum av føroyska fiskiflotanum.

Sjóvinnustýrið vil hava arbeiðsumhvørvisráð fyri fiskivinnuna á sjógvi, og manningarfeløg vilja hava lógarásetingar um, at skipini skulu liggja ávísar dagar av árinum, eitt nú um høgtíðir.

Jan Højgaard, form. í Fiskimannafelagnum, 16:9

Jan Højgaard, formaður í Fiskimannafelagnum. (Mynd: Bjarni Árting Rubeksen)

Føroyskir fiskimenn fáa ov vánaligan svøvn, og tað gongur út yvir heilsuna og økir um vandan fyri arbeiðsóhappum umborð.

Tað er niðurstøðan í Ph.D ritgerð hjá Annbjørg Abrahamsen.

Og so verða ásetingarnar um trygd á sjónum heldur ikki hildnar.

Tað er niðurstøðan í kanning hjá Sjóvinnustýrinum, sum kannaði umstøðurnar á partrolarum eftir samanstoytin millum Eysturbúgvan og Vesturbúgvan í fjør.

Hoyr innslag í útvarpstíðindunum: 

Hans Johannes á Brúgv, stjóri í Sjóvinnustýrinum, Jan Højgaard, formaður í Fiskimannafelagnum. Annfinnur Garðalíð, formaður í Skipara- & Navigatørfelagnum og Stefan í Skorini, stjóri í Reiðarafelagnum, skiftu orð um trygd umborð á fiskiskipum í Breddanum fyrrapartin.

Allur Breddin kann hoyrast her.

Annfinnur Garðalíð, form. í Skipara- og navigatørfelagnum

Annfinnur Garðalíð, formaður í Skipara- og navigatørfelagnum. (Mynd: Bjarni Árting Rubeksen)