Sóknast eftir góðum svøvnráðum

24-04-2023

Mælt verður til, at vaksin sova átta tímar hvørja nátt. Men nógv mugu ásanna, at tað er trupult at røkka málinum.

Vánaligur svøvnur kann ávirka okkum á so mangan hátt.

Ein, sum hevur kent sviðan av tí, er Bárður Persson.

Hann hevur leingi havt ilt við at sova nóg mikið, men í seinastuni hevur verið verri enn vanligt.

Tað fekk Bárð at senda eitt neyðarróp út á sín facebookvanga.

Hann sóknast eftir góðum svøvnráðum.

Bárður Persson vísir á, at ein trupulleiki, sum rakar so nógvar føroyingar, átti at verið tikin í nógv størri álvara.

Eitt nú hevði verið gott, um fakfólk høvdu eina vegleiðing, sum kundi hjálpt teimum mongu, ið hava ringar svøvngávur.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500