Í ár er kórfestivalurin í Fuglafirði. Í ár eru 17 kór meldað til kórfestivalin og umleið 150 sangarar meldaðir til felagsskórið.

Leif Hansen frá kórsambandinum fegnast um, at luttøkan í ár er methøg. Tað sigur nakað um, at kórsangur er væl dámdur í Føroyum.

Michael Bowtree er gestadirigentur til felagskórið, sum skal framføra leygardagin.

Fuglafjarðar Sangkór er vertur í ár, og tey hava gjørt klárt at taka í móti øllum hesum fólkunum.

Gudny Vang frá Fuglafjarðar Sangkóri sigur, at fólk eru røsk at hjálpa til, og tey hava tørv á nógvari hjálp alt vikuskiftið.

- At syngja í kóri er sera stuttligt og sosialt, og tað er spennandi at royna at vera vertur fyri kórfestivalinum, sigur Gudny.