Íbúðabygging undir Fjalli til umleið 1500 fólk

Tórshavnar kommuna samtykti á býráðsfundi í gjárkvøldið, at ein nýggjur býlingur skal gerast undir Fjalli í Havn.

Sambært gerðabókini frá fundinum er talan um 492 bústaðir. Talan er um nýggjan býling, har millum 1.000 og 1.500 fólk fara at búgva.

Heðin Mortensen er borgarstjóri í Tórshavnar kommunu:
 

Heðin Mortensen

Heðin Mortensen, borgarstjóri í Tórshavnar kommunu. (Mynd: Bjarni Árting Rubeksen)

Heðin Mortensen, borgarstjóri, veit ikki, nær íbúðarbyggingin verður liðug, men hann sigur, at ætlanin er at fara í holt við byggingina beinan vegin, tí tørvurin er stórur:

Havnin veksur skjótt, tí á hvørjum ári flyta umleið 400-500 fólk til Havnar, og tí skal kommunan eisini byggja tær eindir, sum krevjast, eitt nú barnagarðar og skúlar.

Spurdur Skúlan á Fløtum, sum longu er ov lítil, svarar Heðin Mortensen, at tað longu verður hugsað um at útbyggja skúlar í Havnini:

Til byggingina verða treytir settar, sigur Heðin Mortensen. Hann ímyndar sær, at íbúðirnar fara at minna um tær á Norðastahorni:

Á býráðsfundi í gjárkvøldið avgjørdi Tórshavnar kommuna at selja umleið 25.000 fermetrar av jørð, sum kommunan átti Undir Fjalli.  Articon hevur keypt jørðina fyri 11,3 milliónir kr.