Hákun West av Teigum: "Nú fara vit at feira tað"

Føroyski toppskjúttin í dystinum móti Eysturríki, Hákun West av Teigum, var ovurfegin, tá tað varð staðfest, at Føroyar skulu til EM-endaspælið

0 seconds of 0 secondsVolume 90%

00:00

Uni L. Hansen

30.04.2023 - 19:39

"Vit vóru øgiliga varnir við ikki at feira tað ov tíðliga, tí vit vildu vera vísir í, at sluppu við til EM-endaspælið," staðfesti ein av størstu stjørnunum á føroyska hondbóltslandsliðnum, Hákun West av Teigum, tá tað varð greitt, at Føroyar høvdu spælt seg til EM-endaspælið.

Høgri vongurin gjørdist toppskjútti við 10 málum upp á 17 skot.

Tað er kanska eitt skoringsprosent í minna lagi hjá Hákuni, ið verður roknaður sum heimsins besti ungi høgri vongur.

Hans Jón Thomassen, Peter Krogh

Hans Jón Thomassen, stjóri í Hondbóltssambandi Føroya, og Peter Krogh hálsfevnast

"Tað er fantastiskt, at vit eru í einum EM-endaspæli, tað er tað simpla av tí langa," staðfesti Hákun West av Teigu, sum í vendingini fann upp á eitt nýtt orðafelli.

"Nú fara vit at feira tað," legði hann afturat.