Fríyrkis-flogskiparar verða nú eisini settir í fast starv

Flogskiparar, sum higartil hava arbeitt sum fríyrkisfólk, fáa nú eina fasta starvssetan hjá Atlantsflog.

- Og tað er eitt stórt framstig, sigur Hans Christian Petersen, formaður í Flogskiparafelagnum, sum í dag skrivaði undir nýggjan tvey ára sáttmála.

Arbeiðið at skipa fríyrkis-flogskipararnar í fast størv við niðursettum brøki byrjar nú, og tað skal verða liðugt 1. november. Tað vil gera teirra umstøður munandi betri, heldur Hans Christian Petersen.

Í nýggja sáttmálanum millum Arbeiðsgevarafelagið og Flogskiparafelagið er eisini ásett, at í mesta lagi 35% av samlaða talinum av flogfólki hjá Atlantsflog kunnu arbeiða eftir "serligum ásetingum fyri flogfólk í niðursettari tíð."

Hoyr innslag í útvarpstíðindunum: