Bakkafrost í Skotlandi 155 milliónir í avlopi

Nú gongur betur hjá Bakkafrosti í Skotlandi.

Rakstrarúrslitið í Skotlandi í fyrsta ársfjórðingi var 155 milliónir krónur.

Tað var 53 milliónir krónur í halli í fjør, sigur Bakkafrost í tíðindaskrivi.

Rakstrarúrslitið í Føroyum var 321 mió. kr. í fyrsta ársfjórðingi.

1.778 ársverk

Tøkan í Føroyum og í Skotland var 19.100 tons. Hon var 21.400 tons í fyrsta ársfjórðingi í fjør.

3,8 milliónir smolt vóru sett út í fyrsta ársfjórðingi. Hetta er í mun til 4,2 milliónir í fjør.

Laksaprísurin í fyrsta ársfjórðingi var 31 prosent hægri enn í fjør, tí útboðið var minni.

1.778 ársverk eru hjá Bakkafrosti.