Føroysku Silver League-kvinnurnar tiknar út

Fjúrtan spælarar eru í hópinum hjá føroyska flogbóltslandsliðnum við kvinnum, sum skal kappast í Silver League-kappingini hjá CEV í summar.

Føroysku kvinnurnar eru komnar í bólk saman við Portugal, Montenegro og Georgia, har leikast skulu dystir heima og úti. 

Sterkasta mótstøðuliðið er uttan iva Portugal, sum liggur sum nr. 15 á styrkisstiganum fyri kvinnuflogbóltsliðini í Evropa. Montenegro er styrkismett sum nr. 23 og mett verður, at hetta eru sera trupul mótstøðulið fyri Føroyar, sum er styrkismett sum nr. 37. Síðsta mótstøðuliðið, Georgia, er styrkismett sum nr. 38, so spennandi verður at síggja, í hvønn mun styrkismetingin gevur eina veruliga mynd av styrkini hjá liðunum.

Venjararnir, Christian Imhoff og Annika á Stongum, hava úttikið hesar leikarar til dystirnar:

Jóhanna Christiansdóttir, TB 
Henrikka Wang Jacobsen, Dráttur
Annika Niclassen, Dráttur
Tórfríð Tavsen, Dráttur
Sofía Purkhús Splidt, Ternan
Birgit Guttesen, Ternan
Amanda Niclassen, Mjølnir
Anna Arnhóldsdóttir, Mjølnir
Sirið Hanusardóttir Samson, Mjølnir
Tóta Búadóttir, Fleyr
Óluva Mohr, Fleyr
Guðrun L. Joensen, KÍF
Jakobina Joensen, KÍF
Sofía Weihe Simonsen, SÍ

Silver League-leikskráin:

27. mei: Føroyar - Montenegro
31. mei: Føroyar - Georgia
4. juni:  Føroyar - Portugal
11. juni: Portugal - Føroyar
14. juni: Georgia - Føroyar
16. juni: Montenegro - Føroyar