Hanna í Horni nýggj sendikvinna í Íslandi

Hanna í Horni er tilnevnd at vera føroysk sendikvinna í Íslandi.

Hon tekur við 1.september.

Halla Nolsøe Poulsen hevur verið sendikvinna í Reykjavík síðani 2020.

Hanna í Horni er 48 ára gomul og doktari í International Relations frá Swansea University. 

Hon hevur starvast í Uttanríkistænastuni síðani 2008.

Fyri ta tíð var hon tvey ár í sendistovu Føroya í Brússel, har hon var málsviðgeri og skrivari. 

Í Uttanríkistænastuni hevur Hanna eitt nú arbeitt við viðurskiftum millum Føroyar og Ísland og umboðað Føroyar í Arktiska ráðnum. 

Seinnu árini hevur Hanna umsitið menningarsamstarv og neyðhjálp umframt mannarættindasáttmálarnar, sum Føroyar eru við í.

Hoyr samrøðu, sum Elin Winther Poulsen gjørdi við Honnu í Horni í útvarpstíðindunum: