Røddi á grønlendskum í Fólkatinginum

Tað vakti undran og ørkymlan, tá ið Aki-Matilda Høegh-Dam úr Siimut, sum er annað av grønlendsku fólkatingsumboðunum, helt røðu á grønlendskum, tá ið Fólkatingið í dag hevði sítt árliga orðaskifti um Ríkisfelagsskapin.

Eg skilji teg ikki, tí eg eri bara ein býttur dani, svaraði Karsten Hønge úr SF.

Eftir røðuna segði Aki-Matilda Høegh-Dam við danska blaðið Politiken, at hon heldur tað vera týdningarmikið at vísa á, at tað eru ymisk mál í ríkisfelagsskapinum.

- Er talan um ein veruligan ríkisfelagsskap, so átti tað ikki at verið nakar trupulleiki at latið meg tosa eitt av málunum í ríkisfelagsskapinum, sigur hon við Politiken.