Talgild kundauppliving frá byrjan til enda

Tað sigur nýggi stjórin í Bank Nordik, Turið F. Arge, við danska miðilin finanswatch.dk.

- Málið er, at vit einaferð kunnu bjóða kundum okkara eina 100 prosent talgilda kundauppliving frá byrjan til enda. Og ikki bara í tí, sum vit nevna avgreiðslur, men eisini í ráðgeving. Tað skal kortini bera til hjá kundanum at velja persónliga ráðgevingina, sum er andlit til andlit, sigur Turið F. Arge, sambært finanswatch.dk. 

Fyri at røkka málinum, er tað sambært Finanswatch, neyðugt at umleggja innanhýsis mannagongdir, sum í dag vera loystar av fólki, til at vera sjálvvirknar. Tí brúkar bankin í dag tólmennistøknifrøði til at hjálpa við starvsfólkauppgávum, so sum at menna nýggjar vørur og gera avtalur.