Landsins partabrøv í Smyril Line skulu nú seljast

Partabrøvini, sum landið eigur í partafelagnum Smyril Line, skulu seljast, og í hesum sambandi hevur Løgmansskrivstovan sett tænastuna í útboð á keypsportalinum.

Útboðið fevnir um ráðgeving og at skipa fyri møguligari sølu av ognarlutinum hjá landinum.

Tey, sum bjóða, skulu gera virðismeting, sølutilfar, skipa útboðið og fyrireika møguliga søluavtalu.

Sí Keypsportalin her.

Freistin at koma til við tiltboði er 14. juni klokkan 16. Vinnarin av útboðnum verður kunngjørdur 22. juni.

Landið eigur góð 16 prosent í Smyril Line.

Høvuðsvirksemið hjá Smyril Line er at reka ferðamanna- og farmaflutning, ferðamannavistir og annað líknandi virksemi.

Felagið eigur m.a. Hotel Hafnia og Brandan.