Okkara tøl eru tey ljótastu í Norðurlondum

Tað sigur Durita Tausen, forkvinna í Krabbameinsfelagnum.

Tá ið tað kemur til krabbameinsviðgerð og sjúkuviðgerð annars í Føroyum, er einki, sum eitur at verða útgreinaður ella at fáa viðgerð innan ásetta tíð.

Hetta, tí Føroyar onga lóg hava um mest loyvdu bíðitíð og ei heldur hava nakra lóg um viðgerðartrygd.

Tað er ikki, tí politiska skipanin ikki veit av hesum, tí fyri 13 mánaðum síðani var ein krabbameinsætlan handað landsstýrisfólkinum í heilsumálum.

- Men enn er einki hent, staðfestir forkvinnan í Krabbameinsfelagnum, Durita Tausen.