Bann móti gummigranulati

ES fer í næstum at seta bann fyri gummigranulati í øllum fótbóltsvøllum í limalondunum. Fleiri lond eru longu farin undir tilgongdina, men halda at skiftistíðin hjá ES upp á seks ár er ov stutt, og millum annað Noreg, sum annars ikki er limaland, og Danmark mæla til 10 og 12 ár.
Ingilín Strøm, landsstýriskvinna, er sannførd um, at tað eigur at bera til at skifta út rímiliga skjótt, millum annað eftir at vøllir við aðrari fyllu enn gummi eru gjørdir í Føroyum. Í Eysturkommuna hava tey gingið undan og lagt umhvørvisvinarligar vøllir bæði í Sarpugerði og í Leirvík.
Spurningurin er bara, nær politiski myndugleikin setir bann fyri gummigranulati fyri allar vøllir í landinum.