- Tíðindi, mentan og ítróttur
Góðan morgun Føroyar
Í veruleikanum er trupult at tosa um sclerose sum eina einstaka sjúku, tí tað einasta, sum tey við sjúkuni hava til felags, er at tey hava arrvevnað á miðnervalagnum.
- Hetta merkir í veruleikanum, at boð, sum heilin sendir til ymsu støðini í kroppinum, hava trupult við at koma fram, og at nógv orka skal brúkast til at fáa til dømis limir at gera, sum heilin vil, sigur Margreta Dam, nevndarlimur í Sclerosefelagnum í Føroyum.
Júst hvussu hetta rakar, er eisini ymiskt, tí meðan tað hjá summum merkist í húðini, so kann tað vera vera beinini hjá einum og eyguni hjá einum triðja.
Hetta kann hava við sær, at fólk kenna seg einsamøll, og tí vilja tey í felagnum fegin bjóða øllum vælkomnum.
- Alt gott um avvarandi, og tey eru sanniliga góð at hava, men tað er eisini gott at hitta tey, sum eru í somu støðu sum ein sjálvur, sjálvt um vit als ikki primert sita og tosa um sjúku, als ikki, siga Margreta Dam og Edith Maria Petersen, sum báðar hava sclerose.