Bárður Nielsen: Vit eiga at gera sum ES og Noreg

Løgtingið viðger í dag tiltøkini, sum landsstýrið ætlar at seta í verk móti Russlandi. 

Bárður á Steig Nielsen, formaður í Sambandsflokkinum, sigur, at tá ið ræður um tiltøk móti Russlandi, eiga vit at fylgja ES og Noregi.

- Tað ætlaði undanfarna samgonga eisini. Hevði tað verið gjørt, hevði verið friður um málið, og vit høvdu staðið saman úteftir og kunnað sagt, at hetta er tað, sum vit vilja, sigur Bárður á Steig Nielsen.

Hann sigur, at Sambandsflokkurin mælir  framvegis til, at vit gera sum ES og Noreg.

Hann heldur tað vera óheppið, at munur nú skal gerast á svartkjafti, sum er fiskaður í umbýtiskvotu í føroyskum sjógvi, og svartkjafti, sum er fiskaður aðrastaðni seinni á árinum, tá russisku skipini skulu umskipa í Føroyum.

Hoyr samrøðu, sum Krista Johnsdóttir Kreutzmann gjørdi við Bárð á Steig Nielsen í útvarpstíðindunum: