Í panelinum í morgun eru Tom Jacobsen, Elisa Vang og Kristina Gry Berg.

Um próvtøl siga tey, at vit leggja ov stóran dent á góð próvtøl, og onkuntíð kann tað blíva ov nógv av tí góða.

- Man strembar eftir einum góðum miðaltali, og nakrar útbúgvingar krevja tað, men eitt próvtal lýsir ikki teg.

Elisa leggur afturat, at hon hevur ikki góð prógv, men klárar seg fínt, hóast tað.

Annað evnið er óljóðið, sum kemur frá snildfonum.

Panelið heldur tað vera ófólkaligt at sita í einum bussi ella í millum fólk og hava ljóðið frá uttan at nýta smátalarar.

- Tað er ófólkaligt og respektleyst, at sita so, í almennum rúmið, sigur Tom.

Panelið endar við at práta, um tey halda, at har er meira millum himmal og jørð.

- Eg havi upplivað okkurt serligt og ógreinandi, sigur Kristina.