Hava borað 466 metrar til Fámjins

Arbeiðið at gera berghol til Fámjins gongur framá. Higartil eru boraðir 466 av 1.200 metrum, sum bergholið verður til longdar.

- Jarðfrøðiligu viðurskiftini eru ein avbjóðing, men vit vistu av tí frammanundan, sigur Sigurd Lamhauge, stjóri í Landsverki. 

16. apríl var omanlop inni í bergholinum, tá ið borað var gjøgnum eitt øki við leysum tilfari. Umleið 800 rúmmetrar av leysum tilfari duttu niður úr loftinum.

Sigurd L. Lamhauge, Sigurd Lamhauge

Sigurd Lamhauge, stjóri í Landsverki, á røðarapallinum, tá fyrsta skotið í bergholinum til Fámjins var latið av í november í fjør (Mynd: Landsverk)

Tí verða bogar, - t.e. stálbjálkar - nú stoyptir, sum skulu halda fjallinum uppi, og tryggja, at meira tilfar ikki dettur niður.

Borað verður bara ørðavíkarmegin inn í fjallið.

Hoyr innslag í útvarpstíðindunum:

Sigurd Lamhauge hevur fyrrapartin greitt Dennisi Holm, landsstýrismanni, sum varðar av Landsverki, frá trupulleikanum.