Ótolandi umstøður hjá giktasjúklingum

Støðan hjá giktasjúklingum er ótolandi, sambært giktafelagnum, sum nú er farið undir at savna undirskriftir at fáa ein giktalækna í starv aftur, sum fór úr hesum starvi fyri áleið einum ári síðan. Men sjúkrahúsverkið vil ikki seta læknan í starv aftur, hóast hann hevur ynskt tað. Ístaðin hevur sjúkrahúsverkið valt eina loysn við konsulentum, sum koma afturat tí eina giktalæknanum, sum er í starvi. Hetta er ein skipan, sum als ikki virkar, sambært formanninum í Gektafelagi Føroya, Terja Beder.
Heilsuverkið veit ikki hvussu nógvir føroyingar hava gikt, og tey tøl sum finnast, umfata ikki tey, sum hava liðagikt. Sambært svari upp á ein fyrispurning fra Jacobi Vestergaard, tingmanni, upplýsir Margit Stórá, at 1.200 føroyingar eru knýttir at sjálvum sjúkrahúsverkinum. Giktafelagið metir, at einir 6.000 føroyingar hava gikt.