Hvussu manerera kvinnur í einum samfelag við avmarkandi fosturtøkulóggávu í broytingartíðum?

Hesum spurninginum og øðrum við hevur Turið Hermannsdóttir, nýklaktur phd í antropologi, arbeitt við seinastu árini.

Á lóggávuøkinum hevur fosturtøka staðið í stað í Føroyum í skjótt 70 ár, men okkurt er kortini hent seinastu árini.

Síðan lóggávan var yvirtikin í 2018, er orðaskiftið vorðið almennari, sosialar rørslur hava tikið seg upp og yvirhøvur verður tosað meira um fosturtøku nú enn fyrr.

Reproduktiv manerering

Seinastu árini hevur Turið Hermannsdóttir granskað í støðuni, sum ein kvinna stendur í, tá ið hon óviljað ella óvæntað verður við barn, og teir tankar ella tær tvístøður, sum kunnu koma, tá ið ein fosturtøka kemur upp á tal.

Burtur úr granskingini er komin phd-ritgerðin Reproductive manoeuvring ella Reproduktiv manerering, og mánadagin vardi Turið Hermannsdóttir phd-ritgerð sína á Fróðskaparsetrinum. Verjan sæst her. 

Mynd: Skíggjamynd frá framløguni.