Seks vilja hjálpa landinum at selja partabrøv í Smyril Line

Løgmansskrivstovan fekk seks tilboð frá teimum, sum vilja ráðgeva og skipa fyri, nú partabrøvini hjá landinum í Smyril Line skulu seljast.

Landið eigur 16,2 prosent í Smyril Line.

Fíggjarmálaráðið væntar, sambært fíggjarlógini, at fáa 79 milliónir krónur fyri partabrøvini, sum landið eigur í Smyril Line.

Tey, sum bjóða, skulu gera virðismeting, sølutilfar, skipa útboðið og fyrireika møguliga søluavtalu.