Skulu hava ræði á arbeiðs- og uppihaldsloyvum hjá útlendingum

Føroyingar skulu hava ræði á arbeiðs- og uppihaldsloyvum hjá útlendingum, sum koma til Føroya.

Tað var semja um, tá fýra tingfólk fyrrapartin kjakaðust um snarskipanina í Breddanum. 

Undir verandi skipan er alt økið ein grásona, staðfesti Liljan Weihe, tingkvinna fyri Tjóðveldi.

Alt økið eigur at vera á føroyskum hondum, heldur Árni Skaale í Fólkaflokkinum.

Breddin, Breddi um snarskipanina

Frá orðaskiftinum í Breddanum fyrrapartin um snarskipanina.

Uni Holm Johannesen í Javnaðarflokkinnum vísti á, at bæði Løgtingið og Fólkatingið hava longu samtykt, at so skal vera, men kortini er málsøkið enn á donskum hondum.

Magnus Rasmussen, fyrrverandi landsstýrismaður í integratiónsmálum, segði, at málið er steðgað á embætismannastigi.

- Tað má lyftast upp á politiskt stig, segði hann.

Hoyr innslag í útvarpstíðindum:

Allur Breddin kann hoyrast her.