21 skip royna eftir makreli

Nógv skip royna eftir makreli tætt í ein landnyðring úr Føroyum, og fiskiskapurin er góður.

Í morgun visti jn.fo at siga, at 21 skip eru á feltinum, harav tey sjey eru russisk og tey 14 føroysk.

Millum annað verður nógvur makrelur landaður á uppsjóvarvirkinum, Pelagos í Fuglafirði, har tey hava arbeitt samanhangandi alla hesa vikuna.

Jóhan Páll Joensen, stjóri á Pelagos, letur væl at og sigur, at tey tilsamans eru eini 60 fólk til arbeiðis júst nú.