Gjaldið úr Samhaldsfasta hækkar

Útgjaldið úr Samhaldsfasta Arbeiðsmarknaðareftirlønargrunnin  hækkar uppí 2.930 kr. frá 1. januar. Tað hevur stýrið tikið avgerð um.

Útgjaldið hækkar 2,8 prosent, og árliga gjaldið verður 35.160 kr.

Í tíðindaskrivi sigur stýrið, at so leingi sum talið av pensjonistum er hækkandi er neyðugt at eftirlønarveitingin verður ásett soleiðis, at grunnurin sleppur undan at lækka hana seinni.

Hon veksur tí spakuliga, men í minsta lagi líka nógv sum inflatiónin.

Eftirlønarútgjaldið var 84% av inngjøldunum í 2012 og væntast at vera 87% av inngjøldunum í 2013.

Í 2012 vóru útgoldnar 227,4 mió. kr. í eftirlønum úr Arbeiðsmarknaðareftirlønargrunninum.