VIDEO: Føroyar lendar í Guernsey

Hóskvøldið lendu yvir 100 føroysk ítróttafólk umframt venjarar, ferðaleiðarar og onnur, á ensku kanaloynni Guernsey, sum er vertur fyri Oyggjaleikunum.

Ein av teimum er Bartal Erlingsson, sum skal kappast í svimjing. Føroysku svimjararnir hava ofta vunnið nógv heiðursmerki, men hesa ferð er verri at spáa um, hvussu teir fara at standa seg.

 - Vónirnar eru hampiligar, segði Bartal Erlingsson.

Vónirnar vóru góðar til systrina, Vár Erlingsdóttir Eidesgaard, sum vann fleiri heiðursmerki í Gibraltar í 2019, men skaði og skurðviðgerð gjørdu, at hon mátti geva avboð. 

 - Men í bringusvimjing hava vit Róland (Toftum, red.), og hann er væl fyri, segði Bartal Erlingsson úr Havnar Svimjifelag.

Tilsamans 10 svimjarar umboða Føroyar á Guernsey. Leygardagin er setan á skránni, og sunnudagin byrja kappingarnar.