Tveir sigrar í liðkappingini í borðtennis

Føroyska borðtennislandsliðið hevur fingið góða byrjan upp á Oyggjaleikirnar.

Fyrrapartin vunnu Føroyar 5-2 á Menorka, og fyri løtu síðan tryggjaðu føroyingarnir sær annan sigurin á rað, tá tað endaði 7-0 ímóti Hetlandi.

Nevnast kann, at Ári Fríðason Jensen spældi fyri fyrstu ferð á Oyggjaleikum í blandaðum tvímansleiki saman við Anju Wongwai, og tey bæði vunnu sín dyst 3-2.

Klokkan 18.45 spæla Føroyar avgerandi dyst um at sleppa víðari úr bólkinum ímóti Gotlandi.

Vit vóru framvið, tá Durita Fríðadóttir Jensen vann sín dyst ímóti Hetlandi.