Kurvabóltskvinnurnar spældu sín fyrsta landsdyst

- Vit fingu at vita, at vit skuldu njóta hetta her, og tað haldi eg, at vit gjørdu. Tað segði Anna Maria Sloan eftir søguliga dystin, sum tó endaði við greiðum tapi

0 seconds of 0 secondsVolume 90%

00:00

Símun Christian Olsen

10.07.2023 - 13:11

Føroysk kurvabóltssøga varð skrivað fyrrapartin, tá landsliðið við kvinnum spældi sín fyrsta dyst á Oyggjaleikunum og yvirhøvur.

Sjálvur dysturin endaði við greiðum tapi. Isle of Man var munandi sterkari, og vunnu dystin 45-19.

Hetta legði Anna Maria Sloan kortini ikki so nógv í. Hon fegnaðist heldur um, at føroysku kvinnurnar høvdu fingið sín fyrsta dyst.

- Hetta var ein fantastisk uppliving. Vit fingu at vita, at vit skuldu njóta hetta, og tað haldi eg, at vit gjørdu, segði Anna Maria Sloan.

- Vit hava verið ræðuliga nervøsar - mest spentar - og hetta var fantastiskt.