Formaðurin í Lærarafelagnum: "Aðalfundurin er evsti myndugleiki"

Aðalfundurin er evsti myndugleiki, og nevndin kann ikki gera annað enn tað, sum meirlutin á aðalfundinum sigur. 

Tað sigur formaðurin í Føroya Lærarafelag, Jákup Eli Olsen.

Tað kom ikki óvart á nevndina, at nakrir limir hava stevnt felagnum.

Samlagstryggingin hjá felagnum varð dagførd í ár 2000.

Felagið gjørdi av at rinda til eina trygging, ið gav øllum limum, sum fyltu 67 ár, 100.000 krónur skattafrítt í lokaupphædd.

Útgjaldið var galdandi frá fyrsta degi.

Nú, 23 ár seinni, verður skipanin steðgað frá degi til dags, og tað rakar allar teir limir, sum hava goldið til skipanina, men nú einki fáa út aftur.

Teir 68 limirnir, sum hava stevnt Føroya Lærarafelag, krevja, at avgerðin, sum var tikin á aðalfundinum tann 29. apríl í ár, um at steðga lokaupphæddini uppá 100.000 krónur, verður ógildað.