Føroyskir myndugleikar ikki fingið innlit í al-Qaeda hóttanarbræv

al-Qaeda hóttir í hesum døgum Danmark og Svøríki og hóttaninar eru serliga álvarsligar, meta serfrøðingar. 

Danskir myndugleikar vita, hvat stendur í hóttanini frá al-Qaeda. Spurningurin er, um føroyskir myndugleikar hava fingið innlit í hóttanarbrævið frá al-Qaeda?

Høgni Hoydal, 16:9

Høgna Hoydal. landsstýrismaður í uttanríkismálum, sigur í skrivligum svari í Kringvarpið, at føroyskir myndugleikar vita ikki, hvat stendur í hóttanarbrævinum.

Svenski yvirgangsgranskarin Magnus Ranstorp sigur við Jyllandsposten, at hann metir hesa hóttanina frá al-Qaeda verða serliga álvarsama, tí hon beinleiðis leggur upp til at taka lívið av sendifólkum.

Lars Løkke Rasmussen

Danski uttanríkisráharrin Lars Løkke Rasmussen sær eisini út til at taka hetta í álvara, tí hann setur eyka trygdarátøk í verk fyri at verja donsku sendifólkini. 

Vit spurdu eisini Høgna Hoydal, landsstýrismann í uttanríkismálum, um nakað verður gjørt frá føroyskari síðu fyri at tryggja føroysk sendifólk? 

Til hendan spurningin svaraði Høgni Hoydal eisini nei.

"Vit viðgerða ikki hetta sum eitt mál, ið viðvíkur Føroyum og okkara altjóða virksemi," leggur hann aftrat.