Zelenskyj er áhugaður at koma til Føroya at vitja

Aksel V. Johannesen, løgmaður, fekk í dag høvi at heilsa upp ukrainska forsetan Volodymyr Zelenskyj, tá hann var á almennari vitjan í fólkatinginum.

Vlodomir Zelenskyj, Fólkatingið

"Eg fekk høvi at heilsa upp á Zelenskyj og siga honum, at Ukraina hevur okkara fulla stuðul í krígnum móti Russalandi," sigur løgmaður. 

Vlodomir Zelenskyj, Fólkatingið

Aksel V. Johannesen greiddi eisini ukrainska forsetanum frá, at Føroyar hava tikið móti ukrainskum flóttafólkum og latið neyðhjálp til landið. 

Vlodomir Zelenskyj, Fólkatingið

"Volodymyr Zelenskyj takkaði føroyingum fyri stuðulin. Eg nýtti eisini høvið til at bjóða honum til Føroya á vitjan, og hann var áhugaður at koma til Føroya at vitja, men eftir kríggið," sigur Aksel V. Johannesen, løgmaður. 

Vlodomir Zelenskyj, Fólkatingið

Føroyar hava latið sjey milliónir krónur í neyðhjálp til Ukraina í ár, og ætlanin er at lata 10 milliónir næsta ár. 

Vlodomir Zelenskyj, Fólkatingið

Aksel V. Johannesen er samdur við Volodymyr Zelenskyj í, at um Ukraina tapir kríggið, so er vandin fyri at Russland fer víðari og tekur grannalond hjá Ukraina. 

Vlodomir Zelenskyj, Fólkatingið

Ukraina er ikki nóg mikið hjá Russlandi

Ukrainski forsetin Volodymyr Zelenskyj kom til Danmarkar í gjár, tá hann fekk handan 19 F-16 flogfør frá danska forsætismálaráðharranum Mette Frederiksen.

Vlodomir Zelenskyj, Fólkatingið

Í dag helt Zelenskyj røðu í Fólkatinginum. Forsetin legði út við at takka fyri allan stuðulin sum Ukraina hevur fingið frá Danmark. 

Vlodomir Zelenskyj, Fólkatingið

"Góðu danir. Eg eri her í dag, saman við konu mínari og toymi mínum, fyri at takka tykkum persónliga. Takk fyri, at tit øll hjálpa okkum í okkara svára frælsisstríði."

Vlodomir Zelenskyj, Fólkatingið

Men Zelenskyj nýtti eisini høvið til at ávara danir og øllum onnur um ætlanirnar hjá Putin forseta og Russlandi. 

Vlodomir Zelenskyj, Fólkatingið

"Teir (russarar) siga uttan at himprast, at tað er ikki nóg mikið við Ukraina. Tá Ukraina er fallið, so fara teir at bera líðingina víðari til Evropa og til restina av heiminum. Eg eri vísir í, at tit hoyra tað. Tit hoyra tað úr Moskva. Øll londini, sum liggja upp at Russlandi, eru hótt, um Ukraina ikki vinnur kríggið."

Vlodomir Zelenskyj, Fólkatingið