Grundstykkini á Fossum kosta 450.000 kr.

Grundstykkini á Fossum í Klaksvík fara at kosta tað, sum alla tíðina hevur verið ætlanin.

Tey fara at kosta 450.000 kr.

Tey 21 grundstykkini í fyrsta byggistigi á Fossum eru nærum liðug. Í næstum verður matrikuleringin gjørd.

Tí er neyðugt at staðfesta prísin. Og tað fer býráðið at gera á býráðsfundinum í kvøld.

Fermetraprísurin verður 1150 kr.

Samtykt í 2016

Býráðið samtykti longu á sumri 2016, at grundstykkini skuldu kosta 450.000 kr.

13 randarhús skulu eisini byggjast í fyrsta byggistigi á Fossum.

Kommunan hevur fingið tvey boð.

Lendið, sum randarhúsini skulu byggjast á, verður selt fyri 1500 krónur fermeturin, ella 3,9 mió.kr.